Vi står for utgreiing, behandling og pleie av psykotiske pasientar i akuttfasen. Ved førstegangspsykosar og ved uavklarte psykosar kan avdelinga også foreta den diagnostiske utgreiinga som er naudsynt for eit godt behandlingsopplegg vidare.
Avdelinga gir også eit behandlings- og omsorgstilbod til menneske med alvorlege psykiske lidingar og omfattande funksjonssvikt.
Tilbodet bygger på respekt for det einskilde menneske, og brukarmedverknad skal stå sentralt i behandlinga.
Behandlinga omfattar mellom anna psykoterapi, medikamentell behandling, familiearbeid og miljøarbeid.
Pasientane vert normalt overførte frå
Psykiatrisk akuttmottak. Etter opphald på avdelinga vert pasientane overførte til andre sjukehusavdelingar, distriktspsykiatriske senter eller til kommunehelsetenesta.