Klinikk PBU gjev spesialisert helsetilbod til barn og unge (0-18 år) med psykiske vanskar og deira pårørande, dette kan til dømes vere utgreiing og behandling av angst, åtferdsvanskar, utviklingsforstyrringar, ADHD, depresjon, tvangslidingar, autismelidingar, sjølvmordsfare, psykose, ete-forstyrringar og / eller skulevegring.
Dersom du trur at du har / ditt barn har / din elev har behov for spesialisert helsehjelp må du først oppsøke lege som kan
tilvise til en av klinikken sine allmenn poliklinikkar (leder for barnevernstenesta har også anledning til å tilvise).
Klinikken har seks allmenn poliklinikkar (BUP) med ulikt geografisk ansvar. På poliklinikkane vert ingen lagt inn, men får tilbod om ulike former for behandling til avtalt tid. BUP jobbar også saman med andre offentlege instansar, som for eksempel skule / barnehage, fastlege, helsesyster og barnevern, for å finne fram til det beste behandlingstilbodet for den enkelte. Dersom det viser seg at du har behov for meir hjelp enn poliklinisk behandling på grunn av alvoret av tilstanden / sjukdommen din, vil tilsett ved poliklinikken tilvise deg vidare til innlegging i ein av klinikken sine sjukehussengepostar og /eller meir spesialisert utgreiing / behandling.
Unntak er ved behov for
akuttpsykiatrisk hjelp (ØH).
Klinikk PBU sitt ØH – opptaksområde
Askøy, Austevoll, Austrheim, Bergen, Fedje, Fjell, Fusa, Granvin, Kvam, Lindås, Masfjorden, Meland, Modalen, Osterøy, Os, Radøy, Samnanger, Sund, Ulvik, Vaksdal, Voss, Øygarden.
Fritt sjukehusval – gjeld berre ved søknad om hjelp frå ein av allmenn poliklinikkane våre. I ØH - situasjonar kor pasienten har behov for akutt behandling, har pasienten ikkje rett til å velje sjukehus.