Cochlea Implantat (CI) 

Den første CI-operasjonen på Haukeland blei gjort i 1988. I perioden 1994-2010 er det utført om lag 220 operasjonar. CI-operasjonar på vaksne blir også gjort ved Rikshospitalet (RH) i Oslo og St. Olavs Hospital i Trondheim.

RH har i tillegg landsdekkande funksjon for CI-operasjon på barn under 18 år.

Kven er vi?

Haukeland sitt CI-team består av ØNH-spesialist, ØNH-kirurg, audiofysikar og audiopedagog med lang erfaring innan utgreiing, kirurgi og lydjustering. Vi tilbyr utstyr frå to fabrikantar av Cochlea Implantat: Med-El og Cochlear.

Utgreiing

Utgreiing består av medisinske og audiologiske undersøkingar, røntgen/ MR-bilete, samtale og eventuelt andre testar etter behov. Pasienten får informasjon om mulege risikomoment ved operasjonen. Ventetida er for tida om lag eitt år; frå mottatt tilvising til utført operasjon.

Operasjon

I samband med operasjonen (som tar om lag to timar) er pasienten inneliggande ved ØNH-avdelinga i 3-4 dagar. Stinga blir fjerna etter 10-14 dagar, anten ved ØNH-poliklinikken eller på heimstaden.

Lydpåsetting/ tilkopling (1-2 dagar) til ytre prosessor skjer om lag fire veker etter operasjonen. Alle etterjusteringar og kontrollar blir gjort ved ØNH/ Høyresentralen etter vurdering av individuelle behov. Det er vanleg med 3-4 justeringar det første året, mens nokre pasientar har behov for hyppigare finjusteringar.

Etter inngrepet

Når det gjeld utbytte av eit CI er det store individuelle variasjonar, og den CI-opererte må rekne med om lag eitt års tilvenningstid før ein har fullt utbytte av implantatet.

Når det gjeld lyttetrening etter CI-operasjon er dette eit kommunalt ansvar, og retten til rehabilitering er heimla i Opplæringslova §4A-2 og Trygdeloven §5-10.

Det statlige spesialpedagogiske støttesystemet, Statped, har regionale kompetansesentra med hørsel som fagområde, og kan støtte den kommunale opplæringsetaten.

Lærings- og meistringssenteret (LMS) i Bergen arrangerer to typar kurs i samband med CI-aktiviteten:

1) CI-innføringskurs for kandidatar som står på venteliste for utgreiing eller operasjon.