Nevrokirurgisk avdeling ved Haukeland universitetssjukehus er ei avdeling med 27 senger. Vi har ein sengepost, og i sengeposten har vi ei overvakningsavdeling med plass til 7 senger. Vi er organisert saman med Nevrologisk avdeling i Nevroklinikken, og poliklinikk har vi saman med Nevrologisk poliklinikk.
Vi behandlar pasientar som har sjukdom eller skade i nervesystemet, og som skal opererast/har blitt operert, eller som står i fare for å måtte behandlast kirurgisk for sjukdommen eller skaden sin.
Avdelinga har landsfunksjon for stråleknivsbehandling. Det blir behandla 2-3 pasientar i strålekniven kvar måndag, tysdag og onsdag.