Kostnader og refusjon av utgifter 

Kursutgifter
Prisen på kvart legetilviste læringstilbod er eigendelen. Denne kan skrivast i eigendelskortet. Tilbodet er gratis dersom du har frikort. Pårørande er gratis. Lunsj kan oftast kjøpast på kursdagen. Sjå informasjonssida for det enkelte tilbodet.

Reiseutgifter
Dekning av reise-, kost- og overnattingsutgifter skal avtalast snarast råd etter at du har mottatt innkalling til kurs – ring til Pasientreisekontoret:

Pasientreiser – tlf. 05515.
www.pasientreiser.no

Informasjonsskranke i 0. høgda, Sentralblokka, Haukeland universitetssjukehus.

Ferdig utfylt reiserekningsskjema sender du til:

Helseforetakenes senter for pasientreiser ANS
Postboks 2533
3702 Skien

Som kursdeltakar kan du ha rett til dekking av transport, kost og overnatting mot ein eigendel.

Brukarar med særlege behov for transport kan ha rett til rekvisisjon til pasientreise. NB – drosje tur-retur må tingast seinast dagen før på telefon 05515.

Ta vare på alle kvitteringar.

Pårørande
Pårørande har dei same rettane som pasientar når det gjeld kost/opphald/reise, dersom det står i tilvisinga frå lege at pårørande skal delta på læringstilbodet. Dersom ein må ha permisjon frå arbeid, kan pårørande eventuelt søke arbeidsgivar om velferdspermisjon.

Foreldre/pårørande til barn som skal delta på læringstilbod, kan ved fråvær frå arbeid søke om opplæringspengar. Dette har same sats som sjukepengar under føresetnad at ein har rett til sjukepengar.

Ved omsorg for barn med funksjonshemming eller langvarig sjukdom, kan det ytast opplæringspengar sjølv om barnet er over 18 år.

Reisefølgje
Dersom pasienten har erklæring frå lege om behov for følgje på reisa, har reisefølgje rett til dekking av reise/kost/opphaldsutgifter.

Reisefølgjet kan og få noko godtgjersle for tapt arbeidsinntekt.

Lovverk
Dekking av reise- og opphaldsutgifter for pasientar/pårørande under opplæring ved LMS er regulert av Pasientlova og Spesialisthelsetenestelova.

NAVs rundskriv Hovednr. 71. "Lov om spesialisthelsetjenesten m.m." § 5-5: