Helse Bergen har sidan 2006 hatt ein ernæringsstrategi.
Organisering
FOU-avdelinga har det overordna ansvaret for oppfølging av ernæringsstrategien og dei har tilsett ein ernæringskoordinator.
Andre viktige avdelingar er Avdeling for Klinisk ernæring med fagkompetanse på klinisk ernæring og 4K – kjøkkenet som har ansvar for mattilbodet i Helse Bergen.
Avdelingar og postar med vaksne inneliggjande pasientar i somatikken har ansvar for å innføre rutinane og følgje opp behandlingsansvaret . Det er etablert eit nettverk av ernæringsfagleiarar og ernæringskoordinatorar på avdelingar/postar. Desse har ei spesiell oppgåve med å følgje opp innføring av ernæringsrutinar.
Litt historikk
I 2003 tok Brukarutvalet opp manglande forhold når det gjaldt matservering og ernæringsbehandling med Føretaksleiinga. Dette var viktig, for det sette i gang ein prosess i føretaket som leia fram mot det som i dag er Helse Bergen sin ernæringsstrategi, God ernæringspraksis.
Føretaksleiinga etablerte ei prosjektgruppe som fekk til oppgåve å kome med forslag til tiltak for å betre mattilbod og forhold rundt ernæringsbehandling.
Prosjektgruppa leverte ein rapport som vart behandla i Føretaksleiinga i 2005 (sak 75/05). Føretaksleiinga vedtok då følgjande:
1. Det skal etablerast nettverk innan kosthald og ernæring
2. Det skal setjast i gang systematisk ernæringsregistrering i Helse Bergen
3. Matserveringa skal vidareutviklast
4. Det skal tilsetjast ein ernæringskoordinator i FOU som får ansvar for gjennomføringa.
Brukarutvalet peika på fleire forhold ved mattilbodet som dei meinte ikkje var tilfredsstillande:
-
For mykje bruk av ferdigmat, for lite fleksibilitet og for dårleg kvalitet; særleg at varm mat ikkje var varm når brukaren fekk den servert.
-
Ernæringsbehandling var for dårleg ivareteke
-
For liten tilgang til ernæringsfagleg kompetanse.
Styringsgruppa for ernæringsstrategien
Styringsgruppa for ernæringsstrategien er det overordna organet med ansvar for oppfølging av ernæringssatsinga. Styringsgruppa er eit rådgivande organ og har myndigheit til å ta avgjerder.
Styringsgruppa er leia av FOU-direktør, Alf-Henrik Andreassen.
Tlf: 55973817. E-post: alf.andreassen@helse-bergen.no
Styringsgruppa består i all hovudsak av leiarar frå ulike kliniske avdelingar , samt fagpersonar. Brukarutvalet er representert i gruppa. Ernæringskoordinator er sekretær for arbeidsgruppa. Styringsgruppa har fire møte i året.
Handlingsplan for ernæringsstrategien 2011
Publisert
20.05.2010 11:51 |
Endret
30.06.2011 15:13