Kunstnar ga 14 kunstverk til Haukeland 

På måndag mottok han og leiar for Pasientbiblioteket Gry Olsen Tronvold, fjorten unike måleri frå kunstnaren Thorstein Grantvedt. No skal dei kome pasientar på heile sjukehuset til gode.

– Eg vert inspirert når eg ser kor mykje glede bileta mine spreier. Då er det ikkje vanskeleg å gi, smilar Grantvedt når han svarar på kvifor han ga bort dei fantastiske bileta til Haukeland.

Takknemleg
Tidlegare har han foræra både Lungeavdelinga og Hjarteavdelinga med kunstverkane sine.

Det veit Tore godt, for han har nemleg beundra desse - som heng i daglegstua i 5. og 6. etasje i Sentralblokka - i mange år.

– Då eg høyrde kven som ville gi oss bilete, blei eg heilt gira. Eg visste jo at dei kom til å vere vakre, seier han.

Glede andre
– Det starta tilfeldig for nokre år sidan då eg var medlem av eit rallarorkester, og vi hadde konsert i samband med opninga av likemannstilbodet på Lungeavdelinga.  Eit anna medlem i orkesteret sa: ”Thorstein, desse kvite veggane må du gjere noko med”, fortel kunstnaren. Då var det gjort.

– Hjarteavdelinga fekk sine når ein kjenning av meg mista kona si. Ho ønska at han skulle samle inn pengar til å kjøpe kunst til dei, slik at pasientane hadde noko pent å kvile augo sine på i staden for ein korktavle. Eg var ikkje vanskeleg å be, seier den sympatiske kunstnaren.

– Det er sant som det vert sagt; det største gleda ein kan ha, det er å gjere andre glad!