Norsk senter for maritimt medisin som har eit omfattande samarbeid med denne non-profit organisasjonen var vert for møtet.
Styret i IMHA: Frå venstre: Kris Lemmons - Belgia, Joseph Abesanis - Filipinene, Nigel Griffiths - Singapore, Rob Verbist - Belgia, President i IMHA Suresh Idnani - India, Ilona Denisenko - Russland, Andra Ergele - Latvia, Nebojsa Nicolic - Kroatia. Bak: Visepresitent IMHA Alf Magne Horneland.
– Eit intenst og godt styremøte hadde vi. Vi rakk akkurat å bli ferdige før alle skulle rekke fly heim att, smiler Alf Magne Horneland ved Norsk senter for maritim medisin.
Styret diskuterte prosjekta dei jobbar med i fellesskap for tida, som går på ernæring hos sjøfolk, førebygging av helseskadar til havs, telemedisin, kartlegge sjukdom og skadar, traumebehandling og korleis handtere alle helseaspekt rundt piratverksemd.
Etter styremøtet reiste to av medlemene til Volvat Medisinske senter i samband med at dei skal vere pilotklinikk for ein ny internasjonal kvalitetssikringsstandard.
– Korleis vi på best mulig måte skal gjere helseundersøkingar av sjøfolk er målet med den nye standarden som skal innførast globalt, seier Horneland. Standarden er heilt ny og blir lansert i Manila på Filipinene til neste år. Den er tidlegare prøvd ut i fleire andre land, men for første gong i Noreg.
Sjå også:
Textbook of maritime medicine
IMHA: www.imha.net
IMHAquality: www.imhaquality.net
Publisert
19.10.2011 15:40 |
Endret
20.10.2011 12:12