Prisvinnarar beste føredrag og poster 

– Fantastisk kjekt å sjå forsking som er presentert internasjonalt for oss som held til her på ”heimabøen”, sa professor og leiar Eyvind Rødahl i Forskarskulen i klinisk medisin ved prisutdelinga.

Juryformann Pål Rasmus Njølstad er ikkje i tvil om forskingsarbeidet han har vore med og vurdere denne veka:
– Solid kvalitet på det som er presentert, seier han om innsatsen til forskarane. 

Med seg i juryen har Njølstad professorane Jan Erik Varhaug, Institutt for kirurgiske fag og Thomas Eagan, Institutt for indremedisin.

…og vinnarane er…

Jury og prisvinnarar: Frå venstre: Pål Rasmus Njølstad, Jan Erik Varhaug, Thomas Eagan, Vernesa Dizdar, Håkon Reikvam, Anne Elisabeth Christensen Mellgren, Øyvind Ulvik, Spiros Kotopoulis og Christine Haugen.

Beste vitskaplege føredrag:
1. pris: Øyvind Ulvik, Institutt for kirurgiske fag og Kirurgisk klinikk
Ureteroscopy with and without a safety guidewire

2. pris: Spiros Kotopoulis, Institutt for indremedisin
Low-Intensity Ultrasound for Non-Invasive Therapy

3. pris: Christine Haugen, Institutt for indremedisin og Hormonlaboratoriet
Deficiency of Irx3 and Irx5 in mice predisposes to fat mass-related metabolic dysfunction
 
Beste vitskaplege poster:
1. pris: Håkon Reikvam, Institutt for indremedisin og Medisinsk avdeling
Heat shock proteins expression profile for AMP patients reveals a distinct signature strongly associated with FLT3 mutation status – consequences and potentials for pharmacological intervention.

2. pris: Vernesa Dizdar, Institutt for indremedisin og Medisinsk avdeling
Duodenal mucosal lymphocytes in patients with persisting abdominal symptoms after Gardia infection

3. pris: Anne Elisabeth Christensen Mellgren, Institutt for klinisk medisin og Augeavdelinga
Extopia Lentis et Pupillae, a pronounced phenotypic appearance of a deletion mutation in the ADAMTSL4 gene

Jubileumskorpset "Haukeblæsen" stiller opp til ære for forskinga.

I 2010 publiserte 1015 forskarar ved Medisinsk odontologisk fakultet og Haukeland universitetssjukehus 879 vitskaplege artiklar. Forskarmiljøet er det nest største medisinsk- og helsefaglege forskingsmiljøet i landet.

Institutt for indremedisin, Institutt for kirurgiske fag og Institutt for klinisk medisin ved Universitetet i Bergen samarbeider med Haukeland om Forskarskulen i klinisk medisin.